पाटन अस्पतालले कोरोना संक्रमितका लागि थप्यो ८० बेड

नारायण गाउँले
२०७८ वैशाख १७ शुक्रबार

ललितपुर । ललितपुरस्थित पाटन अस्पतालले कोरोना संक्रमितका लागि ८० बेड विस्तार गरेको छ ।

कोरोना संक्रमितका लागि छुट्याएको बेड भरिएपछि थप ८० बेड थपेको हो ।

यसअघि कोरोना उपचारका लागि छुट्याइएको १ सय ८० बेड नै भरिएपछि थप ८० बेड विस्तार अस्पतालका निर्देशक डा. रवि शाक्यले गरिएको जानकारी दिएका छन् । त िबेड शुक्रबारबाटै सञ्चालनमा आउने गरी ती बेड थपिएको डा.शाक्यले जानकारी दिएका छन् ।

योसँगै अब पाटन अस्पतालमा कोरोना उपचारका लागि बेड संख्या २ सय ६० पुगेको छ । तर संक्रमणदर उच्च भएकाले थप गरिएको बेड पनि केही दिनमै भरिने अस्पतालले जनाएको छ।

निर्देशक शाक्यले ८० बेड थप गरिए पनि त्यसमा आइसियू र भेन्टिलेटर भने नभएको बताए ।

अहिले अस्पतालको कुल बेड क्षमता ६ सय ५० रहेको भन्दै बेड नपाउने स्थिति आए पूरै अस्पताल नै कोभिडको मात्र उपचार गर्ने गरी बिस्तार गर्नसक्ने अवस्थामा रहेको शाक्यले जानकारी दिएका छन् ।