ट्रेन्डिङ
खबर मुकाम
काठमाडौं । पूर्वप्रधानमन्त्री एवंम् जनता समाजवादी पार्टीका नेता डा. बाबुराम भट्टराईको आज न्युरो–इन्डोक्राइनको ट्युमरको शल्यक्रिया हुँदैछ ।
भट्टराईको पेटमा रहेको न्युरो–इन्डोक्राइनको ट्युमरको शल्यक्रिया गर्न लागिएको हो ।
उनको काठमाडौंको वीर अस्पतालमा डाक्टर सुवोध अधिकारी नेतृत्वको चिकित्सक टोलीले शल्यक्रिया गर्नेछन् ।
शल्यक्रियाका लागि केहीबेर अघि शल्यक्रिया गर्ने कोठाभित्र लगिएको भट्टराईका प्रेस सल्लाहकार विश्वदीप पाण्डले बताएका छन् । उनी बिहीबार नै वीर अस्पताल भर्ना भएका थिए ।
यसअघि ट्युमरमा क्यान्सरको शंका भएपछि भट्टराई परीक्षणका लागि भारतको दिल्ली पुगेका थिए । त्यहाँ परीक्षण गर्दा ट्युमरमा क्यान्सर नभएको प्रमाणित भएपछि ट्युमर भने शल्यक्रियाबाट चाँडै फाल्नुपर्ने डाक्टरहरूको सुझाव दिएका थिए ।
केही साता अघिमात्रै ट्वीट गर्दै आफू सार्वजनिक जीवनबाट टाढा रहने बताएका थिए ।
उनले ट्वीट गर्दै उनले भनेका छन्, ‘पेटको न्युरो–इन्डोक्राइन ट्यूमरको शल्यक्रियाका लागि वीर अस्पताल भर्ना भएको छु । दक्ष चिकित्सक र स्वास्थ्यकर्मीको सद्प्रयास र सबैको सद्भावले स्वास्थ्य लाभ हुने नै छ । केही हप्ता सार्वजनिक जीवनबाट टाढा रहँदा कामना छ, कोरोनाको दोस्रो लहरसँग जुझ्न र राजनीतिक गतिरोध अन्त्य गर्न हामी सफल रहौं ।’
यो खबर पढेर तपाईलाई कस्तो महसुस भयो ?
ताजा उपडेट
- बाढीले प्रभावित क्षेत्रमा पूर्वमन्त्री बाँस्कोटाको स्थलगत निरीक्षण
- कांग्रेसको क्रियाशील सदस्यता छानबिन समितिका लागि माग्यो १० दिनको समय
- राष्ट्रपतिलाई सभामुखको जवाफः बहुमत हेर्ने राष्ट्रपतिले होइन, संसदले हो (पूर्णपाठसहित)
- पार्टीको आधिकारिकताका लागि यादव पक्षले निर्वाचन आयोगमा निवेदन दिने निर्णय
- जात थाहा पाएर कोठा नदिने घरबेटीविरुद्घ रुपा सुनारको जाहेरी
- देउवालाई प्रधानमन्त्री नियुक्त गर्ने परमादेश अदालतबाट जारी हुन सक्दैन (पूर्णपाठसहित)- राष्ट्रपति
- बाढीपहिरो र डुबानबाट पीडित जनतामाथि सरकार कत्ति पनि चिन्तित छैनः माधव पक्ष
- सरकारमा सहभागि सबै मन्त्रीलाई पार्टीबाट निष्कासन गर्ने यादव पक्षको निर्णय
