अक्सिजन खरिद गर्न १४ अस्पताललाई ५/५ लाख रुपैयाँ दिने प्रदेश- २ सरकारको निर्णय

खबर मुकाम
२०७८ वैशाख १७ शुक्रबार

जनकपुर । प्रदेश- २ सरकारले अक्सिजन सिलिन्डर भण्डारण गर्न प्रदेश भरका प्रत्येक अस्पताललाई ५ लाख रुपैयाँ दिने निर्णय गरेको छ ।

कोरोनाको दोस्रो लहरमा अक्सिजनको आवश्यकता देखिएकोले प्रदेश- २ सरकारले प्रदेशको १४ वटा सरकारी अस्पताललाई थप ५ लाख रुपैयाँ दिने निर्णय गरेको छ ।

अक्सिजन सिलिन्डर भण्डारण गर्न, कोरोना महामारी रोकथाम, नियन्त्रण,उपचार तथा प्रतिकार्यका लागि प्रदेश कोभिड कोषबाट पाँच-पाँच लाख रुपैयाँ उपलब्ध गराउने निर्णय गरेको छ ।

त्यस्तै, संक्रमितका लागि महत्वपूर्ण औषधि मानिएको रेमडिसिभिर हजार भाइल तत्काल खरिद प्रक्रिया थाल्न स्वास्थ्य आपूर्ति महाशाखालाई सहमति दिने निर्णयसमेत प्रदेश सरकारले गरेको छ ।