सांसद शाहीलाई किर्ते रिपोर्ट बनाएर आईसीयूमा लुकाइयोः रामचन्द्र पौडेल

नारायण गाउँले
२०७८ वैशाख १६ बिहीबार

काठमाडौं । नेपाली कांग्रेसका वरिष्ठ नेता रामचन्द्र पौडेलले गण्डकी प्रदेशमा खिमविक्रम शाही प्रकरणले प्रजातन्न्त्रको धज्जी उढाएको बताएका छन् ।

जनमोर्चाका सांसद बिरामी भएर आईसीयूमा भर्ना भएको घटनालाई लिएर नेता पौडेलले विभिन्न आशंका व्यक्त गरेका छन् ।

आज एक अन्तर्वार्ता दिदै नेता पौडेलले यस्तो बताएका हुन् । ‘राजमो नीति–सिद्धान्तमा अड्ने पार्टी मानिएको थियो । तर, गण्डकीमा उसको सतित्व हरण भयो ।’ पौडेलले भने ।

बिरामी भनिएका सांसद खिमविक्रम शाहीको दुईथरि कोरोना रिपोर्टमा शंका भएकोले त्यस विषयमा छानविन हुनुपर्ने उनले बताएका छन् । शाहीलाई सांसद पदमा एक मिनेट पनि राख्नु नहुने पौडेलको माग छ ।

‘बिरामीको किर्ते रिपोर्ट बनाएर आईसीयूमा लुकाइएको छ । त्यहाँ डेमोक्रेसीको माखोल उडाउने काम भयो । यस्ता अलोकतान्त्रिक षडयन्त्रको गम्भीर छानविन हुनुपर्छ ।’

राजमोमाथि आफ्नो क्रेडिबिलिटी बचाउने चुनौती आइलागेको पौडेलले बताए । किर्ते रिपोर्ट बनाएर आईसीयूमा लुकाइएको छ त्यसको बारेमा छिटो छानविन हुनुपर्ने पौडेलले बताएका छन् ।