एनआईबिएल समृद्धि फण्ड–२ को आवेदन दिने आज अन्तिम दिन

खबरमुकाम
२०७८ वैशाख १६ बिहीबार

काठमाडौं । आज बिहीबार एनआईबिएल एस क्यापिटलले एनआईबिएल म्युचुअल फण्ड अन्तर्गत सञ्चालन हुने गरि बिक्रीमा ल्याएको ‘एनआईबिएल समृद्धि फण्ड–२’ नामक सामुहिक लगानी कोषमा आवेदन दिने अन्तिम दिन रहेको छ ।
दोस्रो दिन बुधबारसम्म माग गरिएको कुल इकाईको ८७ प्रतिशत भन्दा बढीको आवेदन परिसकेको एनआईबिएल एस क्यापिटलले जनाएको छ ।

सोमबारदेखि प्रतिइकाई १० रुपैयाँको दरमा १ अर्ब २० करोड रुपैयाँ बराबरको १२ करोड इकाई निष्कासन तथा बिक्री खुल्ला गरिएको हो ।

यसमध्ये कोष प्रवर्धक नेपाल इन्भेष्टमेन्ट बैंक लिमिटेडलाई २० प्रतिशत अर्थात् २ करोड ४० लाख इकाई सुरक्षित गरीएको छ भने बाँकी रहेको ९ करोड ६० लाख इकाई सर्वसाधारणको लागि खुल्ला गरिएको छ ।

उक्त फण्डमा लगानीकर्ताले न्यूनतम १०० इकाईदेखि अधिकतम १ करोड २० लाख इकाईसम्म छिटोमा वैशाख १६ गते र ढिलोमा वैशाख २७ गतेसम्म आवेदन भर्न सक्ने जाइएको छ ।

उक्त इकाईको बिक्री प्रबन्धक एनआईबिएल एस क्यापिटल लिमिटेडले रहेको छ ।

धितोपत्र बोर्डबाट आश्वा अनुमति लिएका सम्पूर्ण बैंक, वित्तीय संस्था तथा मेरो शेयरबाट फण्डको इकाईमा आवेदन दिन सकिनेछ ।