अस्पतालमा कर्मचारी नै संक्रमित भएपछि उपचारमा समस्या

नारायण गाउँले
२०७८ वैशाख १६ बिहीबार

काठमाडौं । डडेलधुरा अस्पतालको कोभिड आइसोलेसनमा जनशक्तिको अभाव हुँदा कोरोना संक्रमित बिरामीलाई उपचारमा समस्या भएको छ ।

अस्पतालका कर्मचारि नै कोरोना संक्रमित भएर आइसोलेसनमा बस्नु पर्दा उपचारमा समस्या आएको अस्पतालले जानाएको छ । कोरोना संक्रमित तीव्र रुपमा थपिएका छन् ।

प्यारामेडिक्ससहित ५ जना कर्मचारी संक्रमित भइसकेका छन् । जसमध्ये एकजना कोरोना मुक्त भएका छन् । बाँकी आइसोलेसनमा छन्, भएको जनशक्ति पनि संक्रमित भइदिँदा २४ सै घण्टा संक्रमितको उपचारमा खटिनु पर्ने अवस्था छ ।’ महर्जनले बताइन् ।

बेडको सीमितता र जनशक्ति अभावका कारण अस्पतालमा अक्सिजन दिनु पर्ने बिरामीलाई मात्रै भर्ना गरिएको छ । कर्मचारीलाई कोरोना संक्रमण भएपछि एकजना मात्रै २४ सै घण्टा संक्रमितको उपचारमा खटिएको बताइएको छ ।

अस्पतालमा २० जना स्टाफ नर्सका दरबन्दी रहेको भन्दै अन्य वार्डबाट पनि २र२ जना स्टाफ नर्सलाई तानेर कोभिड आइसोलेसनमा परिचालन गरिएको महर्जनले बताइन् ।

यस्तै अस्पतालमा भर्ना भएका सबै संक्रमितलाई अक्सिजन दिएर उपचार गराउनु परेका कारण आफूहरु पनि २४ सै घण्टा खट्नु पर्ने बाध्यता रहेको बताएकी छन् ।

प्रत्येक दिन संक्रमित बढ्दै गएका कारण बिरामीलाई अक्सिजन दिन नपर्ने गरी सुधार आउन साथ डिस्चार्ज गरेर पठाउने गरिएको उनको भनाइ छ ।