Dark

गण्डकी प्रदेशसभाका कोरोना संक्रमित सांसदलाई मतदान गर्न छुट्टै व्यवस्था मिलाइने

काठमाडौं । गण्डकी प्रदेशसभाका  ३ जना सांसद र १ जना कर्मचारी कोरोना संक्रमित भएका छन् ।

कोरोना संक्रमित हुने सांसदहरुमा एमालेका राजिव पहारी र प्रभा कोइराला र कांग्रेसका मनकुमारी गुरुङ रहेका छन् ।
 

मंगलबार सत्तारुढ एमालेले सांसदको पिसिआर परीक्षण गर्न माग गर्दै संसद अवरोध गरेपछि मंगलबार नै उनीहरुको स्वाब संकलन गरिएको थियो । 

उक्त स्वाब परीक्षण गर्दा ३ जना सांसदको रिपोर्ट पाजेटिभ आएको प्रदेश स्वास्थ्य निर्देशक डा। विनोदविन्दु शर्माले जानकारी दिएका छन ।

सदन अवरोध भएपछि बसेको कार्यव्यवस्था परामर्श समितिको बैठकले कोरोना परिक्षण गर्दा रिपोर्ट पोजेटिभ आएकालाई बोल्न नदिने तर मतदान गर्न दिने सहमति भएको छ ।

सभामुख नेत्रनाथ अधिकारी ३ जना सांसदलाई कोरोना संक्रमण भएको जानकारी आफुले पाएको भन्दै संक्रमितलाई मतदान गर्न छुट्टै व्यवस्था मिलाउने बताएका छन् । 

‘संक्रमितहरुलाई मतदान गर्न छुट्टै व्यवस्था गरिनेछ । अविश्वास प्रस्तावमा छलफलमा उठेको प्रश्नको जवाफ मुख्यमन्त्री ज्युले दिनुहुन्छ र मतदान अघि बढ्छ।’ सभामुख अधिकारी भने । 

अविश्वास प्रस्ताव माथि मतदान कहिले हुने भन्ने टुङ्गो भने लागेको छैन ।

यो खबर पढेर तपाईलाई कस्तो महसुस भयो ?

Love
0 %
WOW
0 %
 Like
0 %
Laugh
0 %
Sad
0 %
Angry
0 %

ताजा उपडेट

छुटाउनुभयो कि?

सबै