एनआइसी एशिया बैंकको नाफा ३ अर्बले वृद्धि

खबर मुकाम
२०७८ वैशाख १५ बुधबार

काठमाडौं । एनआइसी एशिया बैंकले चालु आवको तेस्रो त्रैमाससम्म ३ अर्ब ४८ लाख रुपैयाँ खुद नाफा गर्न सफल भएको छ ।

गत आवको सोही अवधिको तुलनामा यो २० दशमलव सुन्य ७ प्रतिशतले बढी हो । गत आवको उक्त अवधिमा २ अर्ब ५० करोड रुपैयाँ आम्दानी भएको थियो ।

समीक्षा अवधिमा बैंकको खुद ब्याज आम्दानी पनि बढेको छ । गत आवको समीक्षा अवधिमा ५ अर्ब ५२ करोड रुपैयाँ आम्दानी भएको र चालु आवको सोही अवधीमा ६ अर्ब ५८ करोड रुपैयाँ आम्दानी पुगेको छ ।

त्यस्तै, सञ्चालन नाफा ३ अर्ब ६० करोड रुपैयाँबाट बढेर ४ अर्ब ३९ करोड रुपैयाँ पुगेको छ । बैंकको वितरणयोग्य नाफा १ अर्ब २२ करोड रुपैयाँ छ ।

प्रतिसेयर आम्दानी भने ३४ दशमलव ८७ रुपैयाँ छ र मूल्य आम्दानी अनुपात २७ दशमलव ८२ रुपैयाँ रहेको छ ।

हाल, बैंकको खराब कर्जा शुन्य दशमलव ४७ प्रतिशत छ भने कस्ट अफ फण्ड ५ दशमलव सुन्य ३ प्रतिशत र सीसीडी रेसिया ८४ दशमलव २१ प्रतिशत रहेको छ ।

यो खबर पढेर तपाईलाई कस्तो महसुस भयो ?

0 %

विज्ञापनका लागि