नेप्से परिसूचक ९२ दशमलव ४६ अंकले बृद्धि

नारायण गाउँले
२०७८ वैशाख १४ मंगलबार

काठमाडौं । शेयर बजारमा साताको तेस्रो दिन मंगलबार कारोबारमा उल्लेखनिय रुपमा सुधार देखिएको छ ।

आज मंगलबार नेप्से सूचक ९२ दशमलव ४६ अंकले बढेर २ हजार ५ सय ९९ दशमलव सुन्य आठ विन्दुमा रोकिएको छ ।
आज २ सय १६ वटा कम्पनीको १ करोड २ लाख २ हजार २ सय १९ कित्ता शेयर ५ अर्ब १० करोड ९० लाख ९६ हजार ९ सय ५७ रुपैयाँमा कारोबार भएको छ ।

यस दिन २०० वटाको कम्पनीको शेयरमूल्यमा बृद्धि भएको छ भने मात्र ८ वटा कम्पनीको शेयरमूल्यमा गिरावट आएको छ ।

उपसमूहहरु मध्ये बैंकीङ् समूहमा ४५ दशमलव १३ अंकले, व्यापार समूहमा १ सय ९० दशमलव ७२ अंकले, होटेल र पर्यटन समूहमा ३९ दशमलव ३५ अंकले, विकाश बैंक समूहमा ९३ दशमलव ७६ अंकले, निर्जीवन बीमा कम्पनी समूहमा ५ सय ४३ अंकले, जीवन बीमा समूहमा ५ सय ५८ दशमलव ६३ अंकले र हाइड्रो पावर समूहमा १ सय ५३ अंकले बृद्धि भएको छ ।

मंगलबार अपर तामाकोशीको शेयरमूल्य सबैभन्दा धेरै १० प्रतिशतले बढेको छ । विशाल बजार कम्पनी लिमिटेड, महिला लघुवित्त वित्तिय संस्था, युनाइटेड बीमा कम्पनी लगायतका शेयर झण्डै १० प्रतिशतल मूल्यले बृद्धी भएको छ ।