लक्ष्मी लघुवित्तको खुद नाफा ५९ प्रतिशतले बृद्धी

नारायण गाउँले
२०७८ वैशाख १३ सोमबार

काठमाडौं । लक्ष्मी लघुवित्त वित्तीय संस्था लिमिटेडले सोमवार सार्वजनिक गरेको चालू आर्थिक वर्षको तेस्रो त्रैमासको वित्तीय विवरणमा खुद नाफा ५९ प्रतिशतले बृद्धी भएको देखिएको छ ।

गत वर्ष ९ करोड ८९ लाख १० हजार रुपैँयाको खुद नाफा कमाएको कम्पनीले यस वर्ष भने १५ करोड ७६ लाख ८९ हजार रुपैँयाको नाफा कमाएको छ । कम्पनीको हाल अवधिसम्म सञ्चालन मुनाफा ५९ दशमलव ९८ प्रतिशत बढी २४ करोड ८९ लाख २५ हजार रुपैँया भएको छ ।

कम्पनीले १५ प्रतिशत बोनस शेयरबाट चुक्तापूँजी बढाएर ३२ करोड ४५ हजार रुपैँया पुर्याएको छ । जहाँ कम्पनीको जगेडा कोष रकम भने ३२ करोड ९८ लाख २२ हजार रुपैँया रहेको छ । तुलनात्मक रुपमा यस वर्ष कम्पनीको जगेडा कोष २० दशमलव ६५ प्रतिशतले बढी कायम भएको जनाइएको छ ।
हाल कम्पनीले ३४ दशमलव ८२ प्रतिशत बढी २ अर्ब ४ करोड ३२ लाख ८३ हजार रुपैँया निक्षेप संकलन गरेको छ । त्यस्तै, ३८ दशमलव ६६ प्रतिशत बढी ६ अर्ब २७ करोड ३ लाख २८ हजार रुपैँया कर्जा प्रवाह भएको छ ।

कम्पनीले गत वर्षभन्दा ४४ दशमलव ४२ प्रतिशत बढी ३ अर्ब ७५ करोड ८१ लख १७ हजार रुपैँया कर्जा सापटी लिएको छ । गत वर्ष १ दशमलव ४४ प्रतिशत रहेको निष्क्रिय कर्जा यस वर्ष बृद्धी भइ ३ दशमलव १४ प्रतिशत भएको छ । कम्पनीको वार्षिक प्रतिशेयर आम्दानी ६५ दशमलव ६९ रुपैँया रहेको छ भने प्रतिशेयर नेटवर्थ २ सय ३ दशमलव शून्य ५ रुपैँया रहेको जनाइएको छ ।