पूर्वाञ्चल विश्वविद्यालयको प्रश्नपत्र बाहिरियो, संलग्नलाई पक्राउ

खबरमुकाम
२०७८ वैशाख १३ सोमबार

मोरङ । पूर्वाञ्चल विश्वविद्यालय अन्तर्गतको बीई दोस्रो सेमेस्टरको प्रश्नपत्र बाहिरिएको छ । उक्त कार्यमा संलग्न १० जनालाई प्रहरीले पक्राउ गरेको छ ।

मोरङको गोठगाउँमा ईन्जिनियरिङ संकायतर्फको बीई दोस्रो सेमेस्टरको फिजिक्स विषयको मूल प्रश्नपत्र परीक्षा पूर्व नै बाहिरिएको हो ।

पक्राउ पर्नेहरूमा गोपाल कार्की, कोमल प्रसाद गौतम, विजय पोखरेल, मिन प्रसाद भट्ट , भरत पठन, विकास खड्का, निर्मल खड्का, महोत्तरी २९ वर्षीय नानिपथ मण्डल, जीवन कुमार यादव र महेश यादव रहेका छन्

जिल्ला प्रहरी कार्यालय मोरङबाट खटिएको प्रहरीले अनुसन्धान गर्नेक्रममा उक्त विश्वविद्यालयका फोटोकपी गर्ने कर्मचारीले सामाजिक संजाल प्रयोग गरी प्रश्नपत्र बाहिर ल्याएको भन्ने खुल्न आएको छ ।

उनीहरू उपर शिक्षा ऐन, २०२८ बमोजिम थप अनुसन्धान भईरहेको जिल्ला प्रहरी कार्यालय मोरङले जनाएको छ ।