नेता–कार्यकर्तालाई एमाले एकताको पक्षमा लाग्न माधव नेपालको आग्रह

खबरमुकाम
२०७८ वैशाख १३ सोमबार

काठमाडौं । नेकपा एमालेका वरिष्ठ नेता माधवकुमार नेपालले आफ्ना पार्टीका नेता तथा कार्यकर्तालाई एमाले एकताको पक्षमा लाग्न अपिल गरेका छन् ।

नेपालका प्रथम कम्युनिष्ट प्रधामन्त्री मनमोहन अधिकारीको २२ औँ स्मृति दिवसमा श्रद्धाञ्जली दिँदै नेता नेपालले पार्टीका नेता तथा कार्यकर्तालाई एमाले एकताको पक्षमा लाग्न अपिल गरेका हुन् ।

यस्तै उनले अहिले कम्युनिष्ट आन्दोलनको रक्षा, सत्य, न्याय, समृद्धि र नेकपा एमालेको एकताका पक्षमा लाग्न पनि सम्पूर्ण नेता कार्यकर्तालाई आग्रह गरेका हुन् ।

उनले भनेका छन्, ‘मनमोहन स्मृति दिवसका अवसरमा उहाँले राष्ट्रिय स्वाधीनता, कम्युनिष्ट एकता र देश विकासमा पुर्याउनुभएको अतुलनीय योगदानको स्मरण गर्दै कम्युनिष्ट आन्दोलनको रक्षा, सत्य, न्याय, समृद्धि र नेकपा एमालेको एकताका पक्षमा लाग्न सम्पूर्ण नेता कार्यकर्ता र शुभेच्छुकहरूमा हार्दिक आह्वान गर्दछु ।’

नेपालले अहिले जनताले ठूलो मौका दिएको दिएको पनि बताए ।

कम्युनिष्ट सरकारबाट विकृति विसंगतिहरूलाई प्रश्रय दिने काम हुनु र सामान्य किसान र गरिब परिवारले राहतको महसुस गर्न नसकेको अवस्थामा स्वर्गीय अधिकारीको अभाव झनै खड्किएको बताएका छन् ।

उक्त कार्यक्रममा बोल्दै नेता नेपालले उनले शालीन र बौद्धिक व्यक्तित्व मनमोहनले जीवनभर सादा जीवन र उच्च विचार अंगिकार गरेको स्मरण पनि गरे ।

प्रधानमन्त्री केपी शर्मा ओलीमा त्यस्तो गुण नभएको आरोप समेत लागाएका छन् । लगाएका छन् ।