Dark

बाँके र बर्दियामा सोमबार रातिदेखि कर्फ्यु र लकडाउन जारी हुँदै

लुम्बिनी । लुम्बिनी प्रदेशका बाँके र बर्दिया गरी दुई जिल्लामा आज सोमबार मध्यरातिदेखि लागु हुने गरी लकडाउन जारी हुने भएको छ ।

कोरोना भाइरसको संक्रमण दर बढ्दै गएपछि यी दुवै जिल्ला प्रशासन कार्यालयले छुट्टाछुट्टै सूचना जारी गर्दै सोमबार मध्यरातिदेखि एक साताका लागि निषेधाज्ञारलकडाउन जारी हुने जानकारी दिएका हुन् ।

बाँकेको नेपालगन्ज र कोहलपुरमा यसअघि नै लकडाउन जारी भइसकेको छ । छिमेकी जिल्ला बाँकेमा कोरोना संक्रमण दर बढ्दै गएपछि बर्दियामा लकडाउन जारी गर्न लागिएको हो ।

अत्यावश्यक कामबाहेक घरबाहिर निस्किन नपाउने आदेश सहित जिल्लाका अधिकांश स्थानमा ‘लकडाउन’को गरिने सोही सूचनामार्फ जानकारी गराइएको छ ।

स्वास्थ्य, खाद्यवस्तु, खानेपानी, दूध, विद्युत, दमकल, सूचना तथा सञ्चार, भन्सार, क्वारेन्टाइन, फोहोरमैला व्यवस्थापन, एम्बुलेन्स, तरकारीबाहेकका व्यवसाय पनि बन्द गर्न प्रमुख जिल्ला अधिकारीबाट जारी सूचनामा उल्लेख छ ।

जिल्लमा अनुमति प्राप्त, स्वास्थ्यकर्मी तथा सुरक्षा निकायबाहेकको सवारीसाधन सञ्चालनमा पनि रोक लगाइएको छ ।

यो खबर पढेर तपाईलाई कस्तो महसुस भयो ?

Love
0 %
WOW
0 %
 Like
0 %
Laugh
0 %
Sad
0 %
Angry
0 %

ताजा उपडेट

छुटाउनुभयो कि?

सबै