भिम रावलको तर्फबाट १४ बुँदे मागसहित दायर रिट हेर्न नभ्याइनेमा

नारायण गाउँले
२०७८ वैशाख १२ आइतबार

काठमाडौं । नेकपा एमालेका निलम्बनमा परेका चार नेताले सर्वोच्चमा दायर गरेको रिट आज हेर्न नभ्याइनेमा परेको छ ।

न्यायाधीश प्रकाश ढुंगानाको एकल इजलासमा उक्त रिट उपर आइतबार सुनुवाइ तोकिएको थियो ।

आफूहरूसहित २७ जना सांसदको पद खारेजी हुने प्रक्रिया रोक्न र पुनःस्थापित एमालेको केन्द्रीय कमिटी बैठक बोलाउन माधवकुमार नेपाल, सुरेन्द्र पाण्डे, घनश्याम भुसाल र भिम रावलको तर्फबाट १४ बुँदे मागसहित अन्तरिम आदेश माग गर्दै संयुक्त रिट दायर गरिएको थियो ।

आफूहरूमाथि गर्न लागिएको निष्कासनको कारवाही उत्प्रेषण, प्रतिशेधको भएकोले आदेशद्वारा बदर तथा रोक्का गरिपाउँ भनी रिट निवेदनमा भनिएको छ ।

निर्वाचन आयोगमा कायम रहेको एमालेको अभिलेख र विवरणमा कुनै परिवर्तन नगर्नु नगराउनु भन्ने परमादेश आयोगका नाममा समेत जारी हुनुपर्ने नेताहरूले संयुक्त रुपमा दायर गरेको रिट निवेदनमा माग गरिएको छ ।