ट्रेन्डिङ
खबर मुकाम
काठमाडौं । गण्डकी प्रदेशका मुख्यमन्त्री पृथ्वीसुब्बा गुरुङ विरुद्घको अविश्वासको प्रस्तावमा भोली छलफल हुने भएको छ ।
गण्डकी प्रदेशका मुख्यमन्त्री गुरुङ विरुद्घको अविश्वासको प्रस्ताम सोमबार प्रदेश सभामा पेश हुने भएको हो ।
प्रदेश सभाको कार्यव्यवस्था परामर्श समितिको आइतबार बसेको बैठकले उक्त प्रस्ताव पेश गरेर छलफल अघि बढाउने निर्णय भएको सभामुख नेत्रननाथ अधिकारीले जानकारी दिएका छन् ।
सोमबार अविश्वासको प्रस्ताव पेश गरेर छलफल अघि बढाउने र सांसदहरुलाई उक्त प्रस्तावका बारेमा बोल्न समय दिने अधिकारीले जानकारी दिएका छन् ।
उक्त प्रस्तावका बारेमा बोल्न चाहनेहरूलाई छलफलका लागि समय दिने निर्णय गरिएको छ । छलफल सकिएपछि मुख्यमन्त्री बोलेपछि प्रस्ताव निर्णयका लागि पेश हुने अधिकारीले बताएका छन् ।
गण्डकी सरकारविरुद्घ विपक्षी दलहरुले प्रदेश सभा सचिवालयमा गत वैशाख २ गते अविश्वासको प्रस्ताव दर्ता गरेका थिए ।
उक्त प्रस्ताव आउने निश्चित भएपछि प्रदेश सरकारले बैशाख १ गते राती १२ बजेदेखि लागु हुने गरी प्रदेश सभाको हिउँदे अधिवेसन अन्त्य गरिदिएको थियो ।
अधिवेसन अन्त्य भएपछि विपक्षी दलहरुले प्रदेश प्रमुख अमिक शेरचनलाई प्रदेश सभाको विशेष अधिवेशन बोलाउन निवेदन दिएपछि त्यसै आधारमा प्रदेश प्रमुख शेरचनले बैशाख १३ गते विशेष अधिवेसन बोलाएका हुन् ।
विशेष अधिवेसनमा अविश्वासको प्रस्ताव उपर छलफल हुने र मतदानमार्फत् टुङ्गो लागेपछि विशेष अधिवेशन अन्त्य हुने सभामुख अधिकारीले जानकारी दिएका छन् ।
प्रदेश सरकारलाई राष्ट्रिय जनमोर्चाले दिएको समर्थन पनि फिर्ता लिएपछि मुख्यमन्त्री गुरुङ अल्पमतमा परेका छन् ।
विपक्षी दलले संयुक्त रुपमा पेश गरेको अविश्वास प्रस्तावमा कांग्रेस संसदीय दलका नेता कृष्णचन्द्र नेपालीलाई मुख्यमन्त्रीका रुपमा प्रस्ताव गरिएको छ ।
जनमोर्चाले समर्थन फिर्ता लिनुअघि प्रदेश सरकारमा सहभागी माओवादी मन्त्रीले राजिनामा दिएका हुन् । उ्रक्त अविश्वास प्रस्ताव दर्ता गर्नुअघि समर्थन फिर्ता लिएको जानकारी प्रदेश सभा सचिवालयलाई दिएको हो ।
६० सदस्यीय रहेको गण्डकी प्रदेश सभामा नेकपा एमालेका २७ जना सांसद छन् भने सरकारको पक्षमा २८ जना सांसद छन् ।
स्वतन्त्र सांसद दीपक मनाङे पनि एमाले सांसदको रुपमा एमाले संसदीय दलको बैठकमा सहभागी हुँदै आएका छन् ।
गण्डकी प्रदेशसभामा कांग्रेसका १५ जना, माओवादी केन्द्रका १२ जना, राष्ट्रिय जनमोर्चाका ३ जना र जनता समाजवादी पार्टीका २ जना सांसद छन् ।
यो खबर पढेर तपाईलाई कस्तो महसुस भयो ?
ताजा उपडेट
- जिम्मेवारीपूर्ण भएर पार्टी जोगाउन खोज्दा त्यसलाई कमजोरी देखियोः माधव नेपाल
- नेपाल प्रहरीका १६ डीआइजी सहित १५ एसएसपीको सरुवा (नामावलीसहित)
- काठमाडौं प्रशासनको सेवा भोलिदेखि नियमित रुपमा सुचारु हुने
- चर्को हवाई भाडा असुल गर्ने ट्राभल कम्पनीहरूमाथि मन्त्रालयले छानविन गर्ने
- कम्युनिष्ट पार्टी केपी ओलीले नेतृत्व गर्नुपर्छ, हामी ओलीको साथमा छौः मणि थापा
- सामाजिक सञ्जाल हेरिनसक्नु भयो, यो भ्याक्सिन र मास्कले समाप्त हुँदैनः प्रधानमन्त्री ओली
- हिमालयन रि–इन्स्योरेन्सले ३ अर्बको आईपिओ निस्काशन गर्दै
- कोभिडलाई त हामी १/२ वर्षमा समाप्त गर्छौंः प्रधानमन्त्री ओली
