नक्कली नोटसहित ललितपुरबाट एक किशोर पक्राउ

खबर मुकाम
२०७८ वैशाख १२ आइतबार

ललितपुर । ललितपुरको महालक्ष्मीथान नगरपालिका–१ स्थित ग्वार्कोबाट प्रहरीले नक्कली नेपाली रुपैयाँ सहित एक किशोरलाई पक्राउ गरेको छ ।

पक्राउ पर्नेमा हुम्लाको सार्केटार गाउँपालिका–७ जैर घर भएका १९ वर्षीय मुन बहादुर रावत छन् ।महानगरीय प्रहरी वृत सातदोवाटोबाट खटिएको प्रहरी टोलीले रावतको साथबाट १ हजार दरका ५ थान नक्कली नेपाली रुपैयाँ बरामद गरेको छ ।

उनले नक्कली नोट कहाँबाट ल्याए भन्नेबारे अनुसन्धान भइरहेको महानगरीय प्रहरी परिसर ललितपुरले जानकारी दिएको छ ।रावत बिरुद्ध प्रहरीले जाली नोट सम्बन्धी कसुरमा अदालतबाट म्याद लिएर अनुसन्धान गरिरहेको छ ।