खबर मुकाम
नेपालले जारी त्रिदेशीय टी- २० सिरिज जितेको छ । नेपालले नेदरल्याण्ड्सलाई १४२ रनले हराउँदै उपाधि जितेको हो ।
कीर्तिपुरस्थित त्रिवि क्रिकेट मैदानमा भएको खेलमा नेपालले दिएको २३९ रनको लक्ष्य पछ्याएको नेदरल्याण्ड्सले १५.२ ओभरमा सबै १० विकेट गुमाएर ९६ रन मात्र बनाउन सक्यो ।
नेपालका लागि करण केसीले ३ विकेट लिए । त्यस्तै, सन्दीप लामिछाने र कमल सिंह ऐरीले २र२ विकेट लिए । अभिनाश वोहराले १ विकेट लिए ।
ब्याटिङमा कुशल भुर्तेल र कुशल मल्लले अर्धशतकीय पारी खेले । भुर्तेलले ३ छक्का र ८ चौकाको सहयोगमा ५३ बलमा ७७ रन हान्न सफल भए । जारी सिरिजमा कुशलको यो चौथो अर्धशतक हो । कुशल मल्ल ५ छक्का २ चौका हान्दै २४ बलमा ५० रन जोड्दै अविजित रहे ।
नेपाली टिमका उपकप्तान दिपेन्द्र सिंह ऐरीले १८ बलमा ४८ रन जोड्दै नटआउन रहे । उनले ३ छक्का ५ चौका हाने । यसबाहेक कप्तान ज्ञानेद्र मल्लले ३३ र आरिफ शेखले १६ रनको योगदान दिए ।
टस हारेर पहिला ब्याटिङको मौका पाएको नेपालले पूरै २० ओभर खेल्दै ३ विकेट गुमाएर नेपालकै इतिहासमै सर्वाधिक २३८ रन बनाएको थियो । नेपालले यसअघि भूटानसँगको खेलामा सर्वाधिक २३६ रन हानेको थियो । त्यो रेकर्डलाई नेपालले अहिले तोडेको हो ।
यो खबर पढेर तपाईलाई कस्तो महसुस भयो ?
ताजा उपडेट
- उपत्यकामा भेन्टिलेटर र आइसियु खाली भएका अस्पताल (सूचीसहित)
- बिरामीलाई नै अक्सिजन लिन पठाउने अस्पताललाई सरकारले कारबाही गर्ने
- अझै केही हप्ता चुनौतीपूर्ण : स्वास्थ्य मन्त्रालय
- कोरोना सङ्क्रमणबाट भक्तपुरमा १० र दाङमा नौको मृत्यु
- लुम्बिनी प्रदेश सभाका चार सांसदलाई निष्कासन गर्ने निर्णय कार्यान्वयन नगर्न सर्वोच्चको आदेश
- राष्ट्रियसभा निर्वाचनमा एमाले उम्मेदवार बादललाई राप्रपाले पनि सघाउने
- सुदूरपश्चिम प्रदेशका मुख्यमन्त्री भट्टलाई कोरोना संक्रमण पुष्टि
- पछिल्लो २४ घण्टामा ९२४६ जनामा संक्रमण पुष्टि , २१४ जनाको मृत्यु
