लकडाउन गर्न स्वास्थ्य मन्त्रालयको सिफारिसः कम्तिमा चार साता लकडाउन गर्न सुझाव

नारायण गाउँले
२०७८ वैशाख ११ शनिबार

काठमाडौं । स्वास्थ्य मन्त्रालयले काठमाडौं उपत्यकामा कम्तिमा चार साता लकडाउन गर्न सुझाव दिएको छ ।

कोरोना संक्रमण नियन्त्रणबाहिर जान लागेको भन्दै कम्तिमा चार साता लकडाउन गर्न सुझाव दिएको हो ।

सीसीएमसीमा यो सुझाव आए पनि निर्णय भएको छैन ।

आज अपरान्ह ४ बजे सीसीएमसीका संयोजक उपप्रधानमन्त्री ईश्वर पोखरेलसहित मन्त्रीहरुले प्रधानमन्त्रीलाई पछिल्लो अवस्थाबारे ब्रिफिङ गर्ने कार्यक्रम तय भएको छ ।

स्वास्थ्य मन्त्रालय स्रोतका अनुसार कोभिड महामारी अझ बढ्दै गएको र भारतमा भयावह अवस्था पुगिसकेको भन्दै लापरवाही रोक्न काठमाडौं उपत्यकामा लकडाउन गर्न उपयुक्त हुने सुझाव सीसीएमसीमा दिइएको छ ।

यसबारेमा प्रधानमन्त्रीलाई ब्रिफिङपछि सरकारले आवश्यक निर्णय लिने स्रोतले जनाएको छ ।