कांग्रेसका नगर सभापति गुरुङको निधनपछि कोरोना संक्रमण पुष्टि

ताप्लेजुङ । नेपाली कांग्रेस ताप्लेजुङ फुङलिङ नगर सभापति शिवकुमार गुरुङको निधनपछि कोरोना संक्रमण पुष्टि भएको छ ।

उपचारको क्रममा शुक्रबार बिहान ९ बजे बिएन्डसी हस्पिटल बिर्तामोडमा उनको मृत्यु भएको थियो ।

पीसीआर परीक्षणमा ढिलाइ हुँदा संक्रमितको मृत्युपछि मात्रै कोरोना संक्रमण पुष्टि भएको जिल्ला प्रशासन कार्यालय ताप्लेजुङले जानकारी दिएको छ ।

गुरुङको शवलाई झापामै अन्त्येष्टि गर्न पारिवारसँग आग्रह गरिएको प्रशासनले बताएको छ ।

जिल्ला प्रशासन कार्यालय ताप्लेजुङका प्रमुख जिल्ला अधिकारी उमेश पाण्डेका अनुसार शवलाई झापामै अन्त्यष्टि गर्नका निम्ति सरोकारवालासँग समन्वय भइरहेको छ ।

गुरुङका आफन्तले भने नेपाली सेनाको टोलीले नै शवलाई गृह जिल्ला ल्याएर सेनाकै मातहतमा अन्त्यष्टि गर्न लगाउन आग्रह गरेको छ ।

0 %