सुनका गरगहनासहित नगद चोरी गरी फरार २१ वर्षीय युवक पक्राउ

खबर मुकाम
२०७८ वैशाख १० शुक्रबार

गोरखा । सुनका गरगहनासहित नगद चोरी गरी गोरखा नगरपालिका बजार क्षेत्रबाट फरार भएका एक युवकलाई प्रहरीले पक्राउ गरेको छ ।

सिरानचोक गाउँपालिका–१ घर भएका सुकबहादुर कुँवर गत बुधबार गोरखा नगरपालिका वडा नं ५ स्थित मार्गदर्शन टोलका अमृतबहादुर घर्तीकोकोठामा पसी दराज फोडेर नगद रु एक लाख र करिब एक तोला सुन चोरी गरी भागेका थिए।

नगद र गरगहना चोरी गरी फरार २१ वर्षीय सुकबहादुर कुँवरलाई पक्राउ गरिएको जिल्ला प्रहरी कार्यालय गोरखाका प्रहरी निरीक्षक धर्मबहादुर अधिकारीले जानकारी दिए।
घटनाको जानकारी पाएलगत्तै खोजी कार्यमा लागेको प्रहरीले कुँवरलाई घरबाट नै पक्राउ गरेको थियो ।
कुँवरको साथबाट प्रहरीले चोरी गरेको नगद रु ४७ हजार ३१० बरामद गरेको छ।