मोटरसाइकल चोरी गरेको आरोपमा धरानबाट २ जना पक्राउ

नारायण गाउँले
२०७८ वैशाख १० शुक्रबार

सुनसरी । मोटरसाइकल चोरी गरेको आरोपमा धरानबाट २ जनालाई प्रहरीले पक्राउ गरेको छ ।

पक्राउ पर्नेहरुमा धरान उपमहानगरपालिका–८ बुद्धमार्गका रोशन मास्के र धनकुटा साँगुरीगढी गाउँपालिका–८ तातोपानीका रवि राई रहेका छन ।

धरान उपमहानगरपालिका–१९ स्थित सडकमा पार्किङ गरी राखेको को१८ प ३९७९ नम्बरको मोटरसाइकल चोरी गरेको आरोपमा उनीहरुलाई पक्राउ गरिएको प्रहरीले जनाएको छ ।

धरानबाट मोटरसाइकल चोरी गरी बिष्णुपादुका हँुदै धनकुटातर्फ लैजाँदै गरेको अवस्थामा बुधबार धरान उपमहानगरपालिका–२० स्थित सुन्तले भन्ने ठाउँमा सवारीसाधन चेकजाँच गर्ने क्रममा उनीहरुलाई चोरीको मोटरसाइकल सहित प्रहरीले पक्राउ गरेको हो ।

जिल्ला अदालत सुनसरीबाट चोरी मुद्दामा म्याद थप अनुमति लिई थप अनुसन्धान भईरहेको ईलाका प्रहरी कार्यालय धरानले जनाएको छ ।