Dark

ज्यान मार्ने धम्की दिई चन्दा असुल्ने गाउपालिका उपाध्यक्ष र वडा अध्यक्षलाई कैद 

रामेछाप । रामेछापको लिखु तामाकोशी गाउपालिकाकी उपाध्यक्ष दीपशिखा दाहाल र वडा अध्यक्ष सुवास बोहोरा अदालतले कैद सजाएको फैसला गरेको छ ।

बिहिबार जिल्ला अदालत काठमाडौँका जिल्ला न्यायधीश रामचन्द्र पौडेलको इजलासले गाउँपालिका उपाध्यक्ष दीपशिखा दाहाल र वडा अध्यक्ष सुवास बोहोरालाई एक–एक वर्ष कैद जनही १०–१० हजार नगद जरिवानाको फैसला गरेको हो ।

दाहाल र बोहोरालाई गाउँपालिकाका अध्यक्ष गोविन्दबहादुर खड्कालाई धम्काई जबरजस्ती चन्दा माग गरेको र भनेजति चन्दा नदिए मार्नेसम्मको धम्की दिने कार्यमा सहयोगीको भूमिका निभाएको अभियोग लगाउँदै खड्काले जाहेरी दर्ता गराएका थिए । अदालतले प्रारम्भिक सुनुवाइको क्रममा दुवैलाई जनही ६ लाख ५० हजार धरौटी लिएर तारेखमा छाडेको थियो ।

साथै उक्त मुद्दाको मुख्य अभियुक्त मिलन भन्ने लोप्साङ तामाङलाई अदालतले ६ वर्ष कैद र ६० हजार जरिवाना र अर्का अभियुक्त अमृत तामाङलाई ३ वर्ष कैद र ३० हजार जरिवाना हुने फैसला पौडेलको इजलासले सुनाएको छ ।

अध्यक्ष खड्का, उपाध्यक्ष दाहाल र वडा अध्यक्ष बोहोरा सबै नेकपा एमालेबाट निर्वाचित भएका हुन् ।

यो खबर पढेर तपाईलाई कस्तो महसुस भयो ?

Love
0 %
WOW
0 %
 Like
0 %
Laugh
0 %
Sad
0 %
Angry
0 %

ताजा उपडेट

छुटाउनुभयो कि?

सबै