सर्वोच्च अदालतमा नेपाल समूहको रिट दर्ता पेशी आइतबारका लागि तोकियो

खबरमुकाम
२०७८ वैशाख ०९ बिहीबार

काठमाडौं । सर्वोच्च अदालतमा रिट दर्ता भएका नेपाल समूहको पेशी आइतबारका लागि तोकिएको छ ।

गैरकानूनी र अनधिकृत निर्णयको आधारमा २७ जना प्रतिनिधिसभा सदस्यहरुलाई स्पष्टीकरण सोधिएको र आफूहरुलाई सांसद पद नरहने गरी गरेको कारबाही रोक्न माग गर्दै नेकपा एमालेका नेपाल समूहका नेताले सर्वोच्च अदालतमा रिट दर्ता गराएका थिए ।

माधवकुमार नेपालसहित नेताहरु भीम रावल, सुरेन्द्र पाण्डे र घनश्याम भुसालद्वारा दायर उक्त रिटमा आइतबारका लागि पेशी तोकिएको सर्वोच्च अदालत स्रोतले जानकारी दिएको छ ।

रिटमा अध्यक्ष ओलीले सर्वोच्च अदालतको २३ फागुनको फैसलाविपरीत पार्टीलाई एकलौटी र अनधिकृत कब्जा गरीएको र आफूहरुको राजनीतिक जीवन नै समाप्त पार्ने दूराशयपूर्ण मनोभावना रखेर संसद सदस्यबाट निस्कासन गर्न खेजिएको उल्लेख छ।

उक्त रिटमा भनिएको छ, ‘पार्टी अध्यक्षले कुनै पनि बखत राजनीतिक दलसम्बन्धी ऐन, २०७३ बमोजिम दल त्याग गरेको भनी कारबाही गर्न सक्ने पूर्ण आशंका भएकाले त्यस्तो कार्य प्रतिषेधको आदेशद्वारा तत्काल रोक्नु भन्ने आदेश समेत जारी गरिपाउँ ।’