कारागारभित्रै कार्यालय सहयोगीको मृत्यु

खबरमुकाम
२०७८ वैशाख ०७ मंगलबार

गुल्मी । जिल्ला कारागार कार्यालय गुल्मीका कार्यालय सहयोगी कार्यालयभित्रै मृत फेला परेका छन् ।

रेसुंगा नगरपालिका–१० सिमीचौरका ४४ वर्षीय गोविन्दप्रसाद पाण्डेले मंगलबार बिहान करिब ८ बजेतिर कार्यालयकै एक क्याबिनमा डोरीको पासोमा झुण्डिएको अवस्था मृत फेला परेको जिल्ला प्रहरी कार्यालय गुल्मीका प्रहरी नायब उपरीक्षक पुरुषोत्तम पाण्डेले जानकारी दिएका छन् ।

शवको प्रकृति हेर्दा आत्महत्या जस्तो देखिएको र घटनाबारे थप अनुसन्धान भइरहेको पाण्डेको भनाइ छ ।

यसघि पनि पाण्डेले अत्याधिक मदिरा सेवन गर्ने पटक–पटक बिष सेवन गरी आत्महत्याको प्रयार गर्ने गरेको प्रहरीले जनाएको छ ।