Dark

लुम्बिनीमा जसपाको ‘यू टर्न’, चार मन्त्री पाएपछि पोखरेलको सरकारमा, नवनियुक्त मन्त्रीले आजै सपथ लिने

लुम्बिनी । लुम्बिनी प्रदेश सरकारमा चार जना नयाँ मन्त्री थपिने भएका छन् । अविश्वासको प्रस्ताव दर्ता गर्दा हस्ताक्षर गरेको जनता समाजवादी पार्टी (जसपा) ‘यू’ टर्न गर्दै पोखरेल नेतृत्वको सरकारमा सामेल हुने निर्णय गरेको छ ।

मुख्यमन्त्री शंकर पोखरेलविरुद्घ अविश्वास प्रस्ताव दर्ता गरेको दुई घण्टा नबित्दै जनता समाजवादी पार्टी (जसपा) का सांसदहरू पोखरेल नेतृत्वको सरकारमा सहभागी हुने भएका हुन् ।

जसपाका सांसदहरू विजय यादव, सन्तोष पाण्डे, कल्पना पाण्डे र सुमन रायमाझी मन्त्री बन्न लागेको स्रोतले बतायो । तीमध्ये केहीलाई आजै सपथको तयारी गरिएको पनि स्रोतले जनाएको छ ।

माओवादी केन्द्रका दुई जना मन्त्रीले राजीनामा दिएपछि रिक्त रहेका आन्तरिक मामिला तथा कानुन मन्त्रालय र सामाजिक विकास मन्त्रालयमा नयाँ मन्त्री नियुक्ति गर्न लागेका हुन् ।

अविश्वासको प्रस्तावपछि सोमबार नै माओवादीका आन्तरिक मामिलामन्त्री कुलप्रसाद केसी र सामाजिक विकासमन्त्री सुदर्शन बरालले पदबाट राजीनामा दिएका थिए ।

यो खबर पढेर तपाईलाई कस्तो महसुस भयो ?

Love
0 %
WOW
0 %
 Like
0 %
Laugh
0 %
Sad
0 %
Angry
0 %

छुटाउनुभयो कि?

सबै