कांग्रेस प्रवक्ता शर्माको संगीत र उनकी छोरी स्वीकृति शर्माको स्वरमा ‘मिसले सोध्नु भो’ बोलको गीत सार्वजनिक

नारायण गाउँले
२०७८ वैशाख ०४ शनिबार

काठमाडौँ । नेपाली कांग्रेसका प्रवक्ता विश्वप्रकाश शर्माको संगीत र छोरी स्वीकृति शर्माको स्वरमा सजिएको गीत सार्वजनिक भएको छ । प्रवक्ता शर्मा गीत संगीत र साहित्य सिर्जनमा पनि सक्रिय छन् ।

‘मिसले सोध्नु भोः कक्षामा हामीलाई के देख्या छौ भगवान्’ बोलको गीतको भिडियो पनि सार्वजनिक भएको छ ।

गीत सार्वजनिक गर्दै प्रवक्ता शर्माले सामाजिक सञ्जालमा लेखेका छन्, ‘बाबाले बनाएको धुन, छोरीले गाएको गीत । नयाँ वर्षमा सांगीतिक कोसेली यहाँहरुका लागि ।’ नवल नेपालले निर्देशन गरेको भिडियोमा वाल कलाकारहरुको आकर्षक अभिनय देख्न पाइन्छ ।

स्वीकृतिकै शब्द, मनोहर सुनामको एरेन्ज र मदन कास्यम घिमिरेको छायांकनमा तयार भएको भिडियोमा स्वीकृतिसँगै गोपाल घिमिरे, गिता रिजाल जोशी, शारदा अधिकारी, अन्विक्षा कटुवाललगायतको अभिनय रहेको छ ।

(भिडियो हेर्नको लागि तलको लिंकमा क्लिक गर्न सक्नुहुनेछ ।)

https://youtu.be/uHgHG093k-w