युनिलिभर नेपालको १० वर्षको लाभांश इतिहास,लगानीकर्ता भए मालामाल

नारायण गाउँले
२०७८ वैशाख ०२ बिहीबार

काठमाडौँ । युनिलिभर नेपाल लिमिटेड सेयर बजारमा सबैभन्दा धेरै मूल्य भएको कम्पनी भनेर चिनिन्छ । यो समाचार तयार गर्दासम्म नेपाल स्टक एक्सचेञ्जमा कम्पनीको प्रतिकित्ता सेयरमूल्य १९ हजार १ सय ५० रुपैँया रहेको छ।
सुरूदेखि नै कम्पनीले आफ्ना लगानीकर्तालाई आकर्षक नगद लाभांश दिँदै आइरहेको छ । कम्पनीले लगानीकर्ताहरूलाई १० आर्थिक वर्षसम्ममा आफ्ना ७ हजार ७ सय ४० प्रतिशत नगद लाभांश वितरण गरिसकेको छ ।

जसमध्ये, कम्पनीले आर्थिक वर्ष २०७३÷७४ मा १ हजार २ सय ७० प्रतिशत नगद लाभांश वितरण गरेको थियो। जुन सबैभन्दा धेरै लाभांस वितरण थियो। त्यसैगरी, आर्थिक वर्ष २०७६÷७७ मा जहाँ एक सय प्रतिशत नगद लाभांश वितरण गरी सबैभन्दा थोरै लाभांश वितरण गरेको थियो।
कम्पनीले सँधै नगद लाभांश मात्र वितरण गर्छ। हालसम्म कम्पनीले बोनस सेयर भने वितरण गरेको छैन ।
अलिलेसम्म कम्पनीले नगद लाभांशको रूपमा लगानीकर्ताहरूलाई ७७ हजार ४ सय रूपैयाँ वितरण गरिसकेको छ । कम्पनीको सेयरमा हजार रूपैयाँ लगानी गर्नेहरुको सेयरमूल्य बढेर २ लाख भन्दा बढी भएको छ ।
युनिलिभर नेपाल लिमिटेडको १० वर्षको नगद लाभांश इतिहास
यस्तो रहेको छ ः
१० आर्थिक वर्ष २०६७÷६८ मा कम्पनीले आफ्ना सेयरधनीहरूलाई ५९० प्रतिशत नगद लाभांश वितरण गरेको थियो ।
२०आर्थिक वर्ष २०६८÷६९ मा कम्पनीले आफ्ना सेयरधनीहरूलाई ६८० प्रतिशत नगद लाभांश वितरण गरेको थियो ।
३०आर्थिक वर्ष २०६९÷७० मा कम्पनीले आफ्ना सेयरधनीहरूलाई ७६० प्रतिशत नगद लाभांश वितरण गरेको थियो ।
४०आर्थिक वर्ष २०७०÷७१ मा कम्पनीले आफ्ना सेयरधनीहरूलाई ८६० प्रतिशत नगद लाभांश वितरण गरेको थियो ।
५०आर्थिक वर्ष २०७१÷७२ मा कम्पनीले आफ्ना सेयरधनीहरूलाई ९९० प्रतिशत नगद लाभांश वितरण गरेको थियो ।
६०आर्थिक वर्ष २०७२÷७३ मा कम्पनीले आफ्ना सेयरधनीहरूलाई १०२० प्रतिशत नगद लाभांश वितरण गरेको थियो ।
७०आर्थिक वर्ष २०७३÷७४ मा कम्पनीले आफ्ना सेयरधनीहरूलाई १२७० प्रतिशत नगद लाभांश वितरण गरेको थियो ।
८०आर्थिक वर्ष २०७४÷७५ मा कम्पनीले आफ्ना सेयरधनीहरूलाई ७०० प्रतिशत नगद लाभांश वितरण गरेको थियो ।
९०आर्थिक वर्ष २०७५÷७६ मा कम्पनीले आफ्ना सेयरधनीहरूलाई ७७० प्रतिशत नगद लाभांश वितरण गरेको थियो ।
१००आर्थिक वर्ष २०७६÷७७ मा कम्पनीले आफ्ना सेयरधनीहरूलाई १०० प्रतिशत नगद लाभांश वितरण गरेको छ ।