अफ्रिकामा भीषण आगलागीमा परी २० जना विद्यार्थीको मृत्यु

नारायण गाउँले
२०७८ वैशाख ०१ बुधबार

काठमाडौँ । मंगलबार नाइजरको राजधानी नियामेमा एक विद्यालयमा भीषण आगलागी भएपछि झण्डै २० जना विद्यार्थीको मृत्यु भएको छ।

विद्यालयका कक्षाकोठाहरु परालले छाएका थिए। जहाँ २१ वटा कक्षाकोठामा क्षति पुगेको जानकारी अग्नि नियन्त्रकहरूले दिएका छन्। ज्यान गुमाएका बालबालिकाहरु तिनै कक्षामा उपस्थित थिए।

अग्नि नियन्त्रण विभागका कमान्डर सिडी मोहमदले उद्धारकर्ताहरूले आगो तत्कालै नियन्त्रणमा लिन सफल भएको बताए ।

आगो निकै भयानक रहेकाले सबै बालबालिकालाई बचाउन सकिएन, उनीहरू भाग्न पनि सकेनन्’, उनले भने । आगलागी शुरु हुँदा बालिका आआफ्ना कक्षाकोठामा पढिरहेका प्रत्यक्षदर्शीले बताएका छन् ।
यद्यपी, आगलागीको खास कारण भने थाहा हुन सकेको छैन। मुलुप्रधानमन्त्री ओहोउमोन्डोउ मोहमदुले तत्कालै घटनास्थलको निरीक्षण गरेका छन्।
नाइजर विश्व मानव विकास सूचकांकमा सबैभन्दा गरिब मुलुकमा पर्दछ। अधिकारीले बालबालिका भुईमा बसेर पढ्ने गरेका अधिकांश विद्यालयहरु परालले छाएर बनाइएको बताए। यति भयानक आगलागी यसअघि नभएको उनीहरु बताउँछन्।