ट्रेन्डिङ
.jpg)
खबर मुकाम
काठमाडौँ । राष्ट्रिय जीवनका विभिन्न क्षेत्रमा उल्लेखनीय योगदान पुर्याएबापत विभिन्न क्षेत्रका नागरिकलाई प्रदान गरिएको विभूषणमा नेपालको नक्सामा ‘चुच्चे नक्सा’ नसमेटिएको भन्दै व्यापक आलोचना भएपछि सरकारले स्पष्टीकरण दिएको छ ।
२०७६ असोज ३ गते संविधान दिवसका अवसरमा घोषणाअनुसार शुक्रबार राष्ट्रपति विद्यादेवी भण्डारीले हस्तान्तरण गरेका विभूषणमा राखिएका नेपालको नक्सामा लिपुलेक, लिम्पियाधुरा र कालापानीसमेत समेटिएको नक्सा छैन ।
राष्ट्रिय रूपमा महत्त्वपूर्ण तक्मामै यसरी एकाएक अतिक्रमित भूमि गायब गरिएको भन्दै विभिन्न शंका व्यक्त गरिएपछि गृह मन्त्रालयले विज्ञप्ति जारी गरी स्पष्टीकरण दिएको हो ।
मन्त्रालयका अनुसार नेपालको नयाँ नक्सा जारी हुनुअघि नै विभूषण बनाइएकाले त्यसमा पुरानै नक्सा रहेको हो।
यस्तो छ मन्त्रालयले दिएको स्पष्टीकरण
राष्ट्रिय जीवनका विभिन्न क्षेत्रमा उल्लेखनीय योगदान पुर्याउनु हुने महानुभावहरूसाई संवत् २०७६ असोज ३ गते संविधान दिवसको अवसरमा घोषणा भई २०७७ वैशाख १ मा वितरणको लागि तयार गरिएका विभूषणमा अंकित नेपालको नक्सा सम्बन्धमा केही सञ्चारमाध्यममा आएको समाचारप्रति मन्त्रालयको गम्भीर ध्यानाकर्षण भएको छ। घोषणा, तयारी र वितरणको प्रस्तावित समयमा रहेको नेपालको आधिकारिक नक्सा नै उल्लिखित विभूषणहरूमा अंकित भएको छ। कोभिड–१९ को कारणबाट २०७७ वैशाख १ मा वितरण हुन सम्भव नभएकोले हाल सुशोभन भएको हो। नेपालको वर्तमान राजनीतिक तथा प्रशासनिक नक्सा लागू भएपछि घोषणा भएको विभूषणमा सोहीबमोजिमको नयाँ नक्सा अंकित भएको र यसको सुशोभन आगामी २०७८ वैशाख १ मा गरिने बेहोरा सम्बन्धित सबैको जानकारीको लागि यो विज्ञप्ति जारी गरिएको छ।
यो खबर पढेर तपाईलाई कस्तो महसुस भयो ?
ताजा उपडेट
- कोरोना संक्रमण अबको एक महिना कष्टकर
- ३ वटा सहकारीविरुद्ध उजुरी
- स्थानीय चुनाव समयमै गर्न सत्तारुढ गठबन्धन तयार, कहिले तोक्लान् त मिति ?
- कोरोनाले सर्वोच्चको सेवा प्रभावित– प्रधानन्यायाधीश जबराले बोलाए ‘फूलकोर्ट’
- कोरोना संक्रमण रोकथामका लागि ललितपुर प्रशासनद्वारा नयाँ आदेश जारी, हेर्नूस अब के–के गर्न पाइँदैन?
- छुट्टाछुटै सवारी दुर्घटनामा ४ जनाको मृत्यु
- विनोद चौधरीमाथिको उजुरी खारेज, के साच्चै कांग्रेसको केन्द्रीय सदस्य बन्न योग्य छन् त ?
- कोसी अस्पतालमा ४० जनाभन्दा धेरै स्वास्थ्यकर्मीमा कोरोना संक्रमण पुष्टि
